Billet d'humeur

حومتنا الكبيرة (الجزء العاشر) : ليلة الدخلة

الجزء التاسع

كملت السهريّة و هبطو العرسان باش يدخلو للبيت النوم متاعهم بالزغاريد و التهليل
مشا الداهما لأمي، باش يقول لها باش نروحو
الداهما: هيّا ماريّة نروحو
أمي: ستنّا، خلّيني نطمان على نرجس
الداهما: ياخي ماشيا تعدّي، باش تطماني عليها؟ خلّاها ربّي يهنّاها

أمي و الداهما يحكيو، ياخي جا بو العريس دق الباب عليهم
بو العريس: منجي …. منجي …كمّلتش
الناس الكل غزرتلو، ياخي قالت له الحاجة نبيهة أم العريس: يشويّا طو يخرّجها وحدو

أنا وقتها تِكْوَنسيت،…. مخّي تكونسا، ما فهمت شئ
مورو: …. آش بـــاش ..باش يخرْجلكم؟

الكلهم سكتو و لِبْدُو ، حتّى حَدْ ما حَلِْ فمّو
مورو: نعاود السؤال، آش باش يخرجلكم؟
كيف شافتني أمي بديت نتنرفز، ياخي قالت لي: برّا هز خالك و روّح
مورو: وين باش نروّح؟ فهموني الحكاية شنوّا؟
الحاجة نبيهة: باش يخرّج السُوريّا
مورو: ما تقولو ليش العباد الّي قاعدة طوّا، الكلهم يستنّاو باش يشوفو شوليقة الدم؟

شديّت راسي و طلعتلي الفوّارة و الكريز متاع العادة
مورو: معنتها نرجس تاهمينها بجريمة و قاعدين تستنّاو في دليل البراءة متاعها!!؟؟
أمي: الداهما عيّش خويا، هز مورو و برّو روحو، أنا طو نروّح في الصباح
الداهما: هيّا عيّش ولد اختي نروحو، نرجس راهي طوّا ولّات مسؤول عليها راجل
مورو: ما يهمنيش في ربّو الراجل المسؤول عليها، كيفاش راجل و هو ما يحترمش مرتو و يخرّج حاجة خاصة بيهم الزوز باش تتفرج فيها العباد الكل !!؟؟
الحاج: يعطك حجرة في فمّك، نقّص من الكفر نعلة الله عليك،…. أخرج من داري سي الخرا
مآدام الشرفي: صلّو على النبي يا جماعة، انعلو الشيطان….، ايجا مورو حاجتي بيك
مورو: وين عندي نجي يا مآدام؟؟ معقول الّي قاعد يصير طوّا؟
مآدام الشرفي: مورو راهو عندو الحق، كان تحبّو حاجة طو يخرّجهالكم غدوة الصباح، خلّوهم طوّا على راحتهم
مورو: يا مآدام، مانيش قاعد نحكي علْ التوقيت متاع التخريج، الموضوع راهو أكبر و جرحني علْ الأخر ، قاعد نشوف في أختي و العباد محضّبا عليها، يحبّو يعرفو سر من أسرارها

و عاود الراجل يدق في الباب
الداهما: ما يزّيتشي ربّك من دقّان الباب، تحب تخمّجها الليلة؟
بوحميد: هههه، روحو تحضّب الليلة، هههه، يحب يتناك، ههه
الداهما: هيّا افرقو على زبّي الحضبا

مع شنعة الداهما سمعنا العويق متاع نرجس و مشات الحاجة نبيهة تدق في الباب عليهم بقوّة، ياخي حل راجلها الباب و خرج
أمي: آش فمّا شبيها نرجس …شبيها؟؟
أمي: شبيها بنتي؟
منجي: ما هياش صبيّة
أمي: آش عملتلها؟؟

دخلت أمي و مآدام الشرفي و الحاجة أم العريس و سلوى لبيت النوم، ياخي لقاو نرجس مدمدة، خشمها مفلوق و تعوم بكلها في الدمومات
أمي: يا داهمـــــــــــــاااااا يا خويا اجريلي …يا داهما اجريلي .. نرجس باش تموت …حليلي على بنيْتي

دخلت أنا و الداهما نجريو و راجلها خرج هرب من الدار، خطف الداهما نرجس حمّلها و هزها يجري و حطها في الكرهبة و ديراكت للسبيطار
و خلطت انا و أمي في كرهبة التركي و معانا سلوى
بقيت نمشي و نجي ( كونشي عليّا قطّوس في قفص ) في الكولوار الّي فيه البيت الراقدة فيها نرجس نستنّا في الطبيب، باش يخرج يطمنّا
مورو: هيّا الداهما نعملو سيقارو البرّا، راني باش نتطرشق
الداهما: تكيّف هنا
مورو: ماكش قاعد تشوف في البلاكة معَلْقا قد سُرْمِي ، « ممنوع التدخين » ؟

خرجنا قدّام السبيطار أنا و الداهما و منير و شعلّت سيقارو و بديت نضرب في يدّي على الحيط و أنا مغلغل
الداهما: مورو من غير ما تزيد توتّرلي أعصابي
مورو: باش نيكلو الأم متاع أمّو القحبة، ….. باش يقتلّي أختي على خاطر طرف جلدة متاع لحم!!! متخلّف نعن بوه
الداهما: الطحّان وقت الّي دخلنا لنرجس هرب
مورو: لوين عندو باش يهرب لسماء ؟؟ ڨاتلو …ڨاتلو .. يا أنا يا هو في الدنيا
الداهما: وسّع بالك يا مورو، خلِْ تخرج نرجس ساعا لاباس و مبعّد عندنا حديث أخر

زاد خلطو بوحميد و مهدي
بوحميد: لاباس نرجس؟
مورو: منين لاباس يا بوحميد ؟؟؟..منين لاباس؟؟ …منين يا بوحميد، ( عيني وقتها تزغللت بالدموع ) ما عندي كان أخت وحدة في رب الدنيا، هاذيكا هي المكسب، في بالي عطيتها لراجل باش تتهنّا
مهدي: قدّاشو ميبون و ماهوش راجل
بوحميد: تــ باينة ربّك عايلة منيكة كــ زبّي، بوه لاعبلي في دين ربها حاج
مورو: راهي نرجس … راهي نرجس الغالية … يجي واحد حيوان يمِدْ يدّو عليها
منير: مورو أمّك تعيّطلك

دخلت أنا و الداهما و الأولاد بقاو البرّا
دخلت للبيت الّي راقدة فيها نرجس، لقيتهم مركبين ليها السيرو و فاصمة في وجها و عيناها زرقا، وقت الّي ريتها ركبتني الدوخة، ما عرفتش آش نقول، ما نسمع كان في البكاء متاع أمي
أمي: علاش يا ربّي .. آش عملنالك خايب؟ … علاش تكافي فينا هكّا في الدنيا ؟ علاش ما عدناش الزهر ؟ .. الراجل مصيبة و النسيب طلع مصيبة أعظم و أعظم
الطبيب: يزّي يا مآدام، الّي تعمل فيه ماهوش معقول، خلّي بنتك ترتاح، … هيّا تفضلو معايا الكل للبيرو

خرّجنا الطبيب من بحذا نرجس و خلّى كان سلوى بحذاها
دخلنا للبيرو متاعو
الطبيب شكون بوها البنيّة؟
الداهما: أنا بوها
الطبيب: بنتك راهي عندها اصابة على مستوى الجمجمة و عندها صبع ضلعة مكسّر، انّجم نعرف شنوّا السبب ؟على خاطر هذا يتسمّى اعتداء بالعنف و ظاهرلي فيها من الحنّة متاعها مازالت عروسة جديدة
الداهما: الليلة كان عرسها، و راجلها ضربها في ليلة الدخلة
الطبيب علاش ضربها؟
الداهما سكت ما لقاش ما يرد
مورو: على خاطرها ماهياش فيارج
الطبيب: شكون قال لكم ماهياش فيارج؟

الكلنا سكتنا
الطبيب: نرجس راهي مازالت صبيّة
قصّت أمي عليه الحديث: كيفاش صبيّة !!؟؟
الطبيب: كيما نحكي معاكم، نرجس مازالت صبيّة و مازالت محافظة عل العذرية متاعها
أمي: كيفاش !! ؟، ما فهمتش، فهمني يا دكتور
نرجس عندها نوع من غشاء البكارة، نطلقو عليه علميا بالغشاء المطاطي ، ايلاصتيكي..، ما يتنحّاش في أوّل اتصال جنسي و ينجّم يبقى حتى لأول ولادة ليها و يتنحّا كان بعملية جراحية بسيطة
أمي: معنتها نرجس مازالت صبيّة، متأكّد يا دكتور ؟
الطبيب: هههه، متأكّد يا مآدام ، ياخي باش نغلط انا في حكاية كيما هكّا ؟
أمي: الحمدوالله ياريّي
مورو: وين حمدوالله شوف نرجس تعيش والا لا
الطبيب: نرجس طوّا تتسمّى فاتت مرحلة الخطر، و يلزمها تبقا أيّامات في العناية ، هاي بحذانا ما تخافوش عليها، و تنجمو تروحو و انتوما متهنّين
الداهما: تستحقّو أي حاجة، هاو نومرويا أطلبوني
الطبيب: ما عندنا ما نستحقّو، جِيستْ يلزمكم نخلّوها ترتاح، يا مآدام الّي عملتو بكري راهو ماهوش باهي، ماعادش تبكي قدامها
أمي: راهي غصّة يا دكتور، لا أمها لقات الزهر مع بوها و لا هي لقات الزهر مع راجلها
الطبيب: نشالله لاباس، ما تتفجعوش
مورو: بركالله فيك يا دكتور، ….. حضرلي بربي شهادة طبية
الطبيب: أوكي، هيّا نخلّيكم طو، من غير ما تتشغشبو عليها نرجس و ننصحكم باش تروحو ترتاحو و أرجعولها غدوا

روحنا للدار و ما جانيش النوم، ياخي تعدّيت لمهدي و بوحميد و منير و مشينا لجنينة الحومة، ياخي لقينا حمّودة العطّار ضاربو لفتحيّة القوّادة في وسط القازون، هي راقدة من اللوطا و هو فوقها، مشالو مهدي ضربو بقوة على زعكتو، ياخي حمّودة تفجع و قام من فوقها و لبس فيسع حوايجو
مهدي: من غير ما تلبس، الّي لبستو نحّيه، فيسع ..( مهدي وهو يعيّط ) تحرّك
مورو: سيّبهم يا زبّي، خلّي ينيكو عينهم، آش مدخّلنا فيهم
مهدي: خلّيني نصوّرهم ساعا، و سير طو فتحية القحبة، خلّيني نورّاها نهاية قحبها كيفاش

و جبد مهدي بورطابلويه و بدا يفلاشي عليهم، ما خلّا ما صوّر، حتّى من نقبة زعكة حمّودة صوّرها
مورو: بربّي خلّيني نسئلكم سؤال، ياخي ماكومش معرسين ؟ لواش تنيكو و تخونو في الّي معاكم؟
فتحيّة: أنا راجلي يخدم في الكميونة متاعو ويجيني مرّة في الجمعة و ساعات مرّة في الشهر، و مخلّيني شايحة
مورو: ماهو يخدم عليك و يوكّل فيك
فتحيّة: نعن بو الفلوس، راني نستحق لراجل يفرهدني و يشيخني
بوحميد: طوّا حموّدة القارس مفرهدك هههه،حلوّا هاذي… جيتني ليّا أنا راني فرهدتك على قاعدة
مورو: أخطانا بوحمبد من الفدلكة، خلّيني نفهم مشكلتهم شنوّا
مهدي: باش تولّيلنا طبيب نفساني ؟ هههههه
مورو: المجتمع هاذا يردّك اكثر من طبيب نفساني… و أنت سي حمّودة شنوّا حكايتك؟
حمّودة: مرْتي
مورو: شبيها مرْتك؟
بوحميد: ساعا تبركاله عليها
حمّودة: باردة ياسر، نبك فيها، عبارة قاعد انّيك في لوحة
بوحميد: ماك بهيم، في بالك بروحك مسمار قاعد تنقب في اللوح
مورو: بوحميد، شويّا احترام عيّش خويا
مهدي: لا احترام لا زبّي، الجموع هاذوما يلزمنا نقصّوهم من الدنيا
حمّودة: بركالله فيك يا ولد السيدة
مهدي: سد بيها « بركالله فيك » طوّا ولّيت تحكي باللسان الحلو!!؟
مورو: ياخي ما تسمعوش بحاجة اسمها ثقافة جنسية ؟
حمّودة: حتّى من النيك فيه ثقافة ؟ ههههه
مهدي: أسكت نيّك، تضحك ربّك!!!، ياخي قاعدين نفصّصولك في الرُمّان ؟
مورو: البسو حوايجكم، ما يهدّش على زبوبتنا الحاكم زادا و نولّيو معاهم في اللعبة

لبس حمّودة سروالو و هبطّت فتحيّة جبّتها
بوحميد: فتحيّة أعطيني قلسونك
مورو: ههههه آش باش تنيّك بيه قلسونها ؟
بوحميد: باش انّيكو درابو فوق الدار ههههه
مهدي: أخطاك يا زبّي، قلسون ناتن، يِلِمْلِكْ الذبّان في الدار ههههههه
مورو: هههههه
بوحميد: باش نغسلو و نخلّيه سوفينير، عندي في الدار فوق الثمانين
منير: يا زبّي ملّا هواية عندك
بوحميد: حتّى من قلسون مرّت التركي نكتو من فوق الشريطة ههههههه
منير: ما نستغربهاش من و احد مكحوت كيفك
بوحميد: و الله واش خص المكحوتين الكل كيفي ههههههه
مورو: و الله شعب ناقص نيك، كــ المعرّس و كــ الّي موش معرّس
حمّودة: ولد ماريّة خلّيني نروّح ندوّش قبل صلاة الصبح
مورو: باش تمشي تقيّد الأحوال في الجامع، شكون يصلّي في الصبح و شكون ما يصلّيش ؟؟
حمّودة: و الله لا يا مورو
مهدي: تحلف يا كذّاب، قدّاش من واحد خاطيه و مشيت باصيتو
حمّودة: وقتاش هذا ؟
مهدي: نسيت فتحي المعلّم، و الا تحبني نذكرك فيه؟
حمّودة: و الله لاني أنا
مهدي: شوف ربّو كيفاش يحلف بالكذب، نيك أمّك ما تبقى أخر واحد يقبل عليه ربّي صلاتو
مورو: برّا روّح، و لو كان نسمع عليكم أقل حكاية منيكة، ما نيكلكم والديكم
حمّودة: مورو كلّمهم عيّش ولدي خلّي يفسخو الّي صوروه
مورو: مانيش ولدك و ما نكلّم حد
مهدي: باش نخلّاهم وقت الّي نحب نجبد بونيطة، نجبدها على نقبة زعكتك
بوحميد: هههههه، مهدي عندو الفيديو و التصاور و أنا عندي القلسون
مهدي: هيّا حلّو جناحاتكم و طيرو على زبّي

مشاو روحو و اقترح علينا بوحميد باش نمشو انّيكو صحفات لبلابي عند العيّاري، و في الثنيّة جبدنا الهدرة
مورو: الشعب ناقص ثقافة جنسية
بوحميد: باش نحلّولهم مكتب و نقرّوهم النيك؟
منير: أنا عندي أسترا أزْبَرْ مدرسة متاع نيك، هههه
مورو: أنت عندك أسترا و غيرك البرابول ما يعرفش يَخَدْمُو
مهدي: خلّاهم يتناكو، آش مدخلنا فيهم؟
مورو: كيفاش آش مدخلنا فيهم ؟؟ نرجس اليوم شعيرة و الا ماتت من جُرُتْ الجهل، واحد كيف منجي بهيم، ما يعرفشي شنوّا معناها فيرجينيتي
بوحميد: بالرسمي فتحية عندها الحق، كيف قالت الراجل موش كان فلوس بركا، المرا شايحة، راجلها يوصل يعدّي بالأشهرا في ليبيا، يهز في السلعة
مهدي: و لقات هي الفرصة باش تخدم قوّادة
منير: هههه مالا طو نقترحو على وزارة التربية، باش يقرّيو النيك في المكتب
مورو: تتقوحب منير ؟ تفدلك بيها هاذي ؟ بالرسمي يلزم ثقافة جنسية للعباد، النيك راهو ماهوش نقبان و يفرّغ و يمشي على روحو
بوحميد: قالك فمّا واحد اسمو حمّا من الّي هو صغير ، تجي أمّو باش ترضعو، يقول لها حمّا يرضع وحدو و كبر شويّا وقت الّي باش تجي أمو توكلو، يقول لها حمّا ياكل وحدو، المهم من غير منطوّل عليكم، كل شئ يعملو وحدو، و نهارت الّي عرّس، بعد الزازا دخل ينيك في مرتو من سرُتها، ياخي قالت له حمّا موش هاذيكا النقبة، هاهيّا النقبة ، ياخي قال لها: حمّا ينقب وحدو هههههه

ضحكنا الكل الّا منير
منير: قديمة هاذيكا، اسمعو النكتة هاذي، فمّا واحد يعيش في الجبل، ما يعرفشي حاجة اسمها نيك، نهارت الدخلة، دخل معاه بوه و في يديه شكارة قمح و سردوك، قال لهم نحّيو حوايجكم، نحّاو حوايجهم، فال لولدو حط زبّك في زبّور مرْتك، حط زبّو، بدا البو يحط بالقمحة بالقمحة فوق زعكتو و يجي السردوك ينقرلو زعكتو و الطفل يدخّل زبّو في زك مرتو، و قت الّي الطفل سخن القمح وفا، تلفّت الطفل قال لبوه: يا باي زيد قمحة، هههههه

و كالعادة ضحكنا الكل الّا بوحميد
بوحميد: قديمة ياسر، اسمع النكتة هاذي
مورو: و الله لا انجّم نضحك يا الأولاد، قاعد نضحك بالسيف
منير: ما تحط شئ في بالك آميغو، نشالله كل شئ لاباس
مورو: نشالله

عطيناها صحفات لبلابي و روّحنا كل واحد شد دارو، رقدت أنا شويّا و فيقتني أمّي مع حكاية الأحداش
أمي: مورو، فز عيّش ولدي، خلّ نمشو لنرجس نطلّو عليها
مورو: باهي أمي هاني باش نفز

مشات أمّي حلّت الشباك و جابت لي قهوتي للبيت
مورو: الله لا يحرمني منّك يا ماريّة
أمي: آاااه ما عنديش غيركم يا الأولاد، و حاملا الذل و القهر كان على خاطركم، عندي ربّي و مبعّد أنتوما في حياتي، نشاله نفرح بيكم قبل ما يهز ربّي أمانتو، و نتهنّا عليكم كل واحد في بلاصتو
مورو: نشالله راسك حي يا ماريّة و تشوفي صغار صغارنا
أمي: ما عادش عندي عمر باش نعيشو، بوك ما خلّا فيّا حتى شئ، ….و الله لا نسامحك يا مورو لو كان ما تحبّش مرْتك و تحترمها، أنا أمّك الّي جبتك نحّيني من مخّك و بجّل مرْتك عليّا، ما تخلّيهاش تقاسي الّي قاسيتو أنا من بوك
مورو: أنتي تبقي ديما أمي، ما نجّمش نبدلك، و كيف كيف مرتي ما نوصل نعرّس بيها كان ما نحبها و نعتبرها عشيرة عمري موش متاع نهار و الا نهارين
أمي: المرا راهي بسيطة و حنينة، تحب شكون يحبها و يدللها و يحترمها و يبدا حنين معاها
مورو: و الله وحدك يا ماريّة كيف تبدي تقرّي فيّا ههههه
أمي: نقرّيك مالا شنوّا!!!، ما نحبّكش تكون كــ بوك
مورو: بابا سمعت بيه باش يخرج لايطاليا
أمي: شكون قال لك؟
مورو: الداهما في بالو
أمي: واش خص يخرج و نرتاحو منّو، حتّى في ليلة فرحة بنتو ما جاش، و الله البارح حشمت كيف سئل عليه الطبيب
مورو: ها هوكا ربّي لا ينحّيلنا الداهما
أمي: الداهما باش يدوملنا، عادك بيه روّح لايطاليا…. هيّا كمّل اشرب قهوتك فيسع و حضّر روحك
مورو: وينو الداهما؟
أمي: هاهوكا يغسل في الكرهبة من الدم

مع حكاية نص النهار مشينا للسبيطار، لقينا العباد محضبا قدّام باب الدخول و السوجيقاد يدخّل في العباد كان ما يعطوه الجعالة و الا باكو دخّان، مشالو الداهما صدم عليه كــ العادة
الداهما: حل الباب الشرطة معاك
حل السوجيقاد الباب: تفضّل خويا
و تلفت ليّا أنا: وين ماشي؟
الداهما: معايا، سيّبهم

دخلنا مشينا للبيت الّي راقدا فيها نرجس، لقينا سلوى بحذاها، مسكينة ليل كامل ما رقدتش
أمي: لاباس نانوس ؟
نرجس و هي تتكلم بالسيف: لاباس حمدو الله
مورو: آش أحوال أختي العزيزة ، زايد العروسة عروسة، وجهك منوّر كــ العادة
ضحكت نرجس: هههه شكون عندو مرايا ؟
الداهما: هاو وجهي مرايا
حوّل الداهما عينيه و قرْبِلها وجهو، ياخي شاخت نرجس بالضحك
أمي: وجهك لاباس، ما بيه شئ و زاد الطبيب طمّنا، قال ما عندك شئ
جات نرجس باش تتحرّك، ياخي حسّت بوجيعا في صدرها
أمي: سمالله على بنتي، ما تتحرّكش
و مشات أمي عاونتها باش تهز راسها شويّا
أمي: هاني جبت لبنيْتي فطورها
نرجس: ما عينيش باش ناكل
مورو: يزّينا نرجس بلا دلال، أفطر عندك دواء باش تشربو، باش تعيش كان علْ السيرو ؟
أمي: طو نوكّلها أنا
الداهما: هيّا مورو نخرجو نعملو قهوة

نحن خرجنا و عرضتنا مآدام الشرفي في الباب
مآدام الشرفي: لاباس نرجس؟
مورو: لاباس، هاهيكا بحذاها أمي و سلوى

دخلت مآدام الشرفي ليها و خرجت أنا و الداهما و نحن قدّام باب السبيطار وقفت تاكسي خرج منها منجي راجل نرجس و أمّو
كي شوفتو جاني الكريز متاع العادة و بدات الدنيا تظلام قدّام عيني

البقية في الجزء الحادي عشر

الجزء الحادي عشر

les commentaires

comments

Les plus populaires